နိုဝင်ဘာ

ပန်ကာတွေ ရပ်သွားပြီ

စိတ်တွေ လည်နေတုန်း

ဆောင်း…မရောက်သေးဘူး ။

 

(မှတ်စု။  ။၂၀၀၂ လောက်က ရေးခဲ့တာ။ ကဗျာတိုလေးတွေကို အားကျလို့ ။ ပြီးတော့ အဆီငေါ်လည်းတည့်တယ်ထင်လို့ ။

ဒါပေမယ့် ..ပေးဖတ်လိုက်သမျှ သူငယ်ချင်းတိုင်း မကြိုက်ကြတာကတော့ အမှတ်တရ ပါ ။အခုလည်း ၂၀၁၁ နိုဝင်ဘာနဲ့ကြုံတုန်း..)

ရေးစရာ များများ

သမင်လည်ပြန်ထဲ ချွေးစားထားတဲ့စာအုပ်(သို့)တိမ်ဦး

ဇာတ်လမ်းတွေထဲမှာ ရပ်စောင့်ခဲ့ မြင့်သိန်းကြည်

စီးကရက်ထဲမှာ ပြာတွေထည့်လို့ ကျော်စွာမိုး

ရွေးစာရင်းမှာ နာမည်တွေထပ်နေဆဲပေါ့ ကိုသန်းထွန်း

ညီလေး ကျော်ကြီး မင်းကြယ်ကိုဓါးနဲ့ပေါက်

လမ်းအတိုင်း ခိုတွေညည်းနေဆဲလား သန့်ဇင်

နေ၀င်း(သို့)ဘုရားသခင်ရဲ့အေးစက်တဲ့ကော်ဖီနဲ့ကုတ်င်္ကျီ

မင်းကမ္ဘာကို ဒီအတိုင်းလွတ်မထားနဲ့ သိန်းကျော်

ညတိုင်းဂီတာကို အဦးဆုံးတီးခတ်တော့တာပဲ ဇော်ထိုက်ဦး

မျက်နှာပေါ်က ခြစ်ရာတွေပြန်ကြည့်စမ်း ၀ဏ္ဏ

အမှန်တရားကို လက်နဲ့ခူးလိုက် အိချော

သေမလားရှင်မလား ရေခြားမြေခြား မင်းထွန်း

ဘိုဘို နောက်ဘ၀မှာ မင်းခေါင်းကိုက်သေးလား

မီးမွှေးနေတုန်းပေါ့ ကိုတင်မင်း

မင်းဖုတ်တဲ့အုတ်လို မင်းအသည်းမာပါစေ ထူးဇော်လတ်

ဘအောင်ရွေ လေပြင်းတွေတိုက်ခတ်နေတဲ့ လယ်ကွင်းထဲ

ကိုချောရေ…ခင်ဗျား ကောင်းရာသုဂတိလားပါစေဗျာ …. ။     ။

မှတ်စု ။ ၂၀၀၄-၂၀၀၅၀န်းကျင်လောက်က မဂ္ဂဇင်းတွေမှာရေးဖော်တွေရဲ့ သူငယ်ချင်းဖွဲ့
ကဗျာတွေ ခေတ်စားလာတော့ ကိုယ်လည်းအားကျမခံ အတင်းအကျပ်ရေးဖို့ ရေးဖို့ စဉ်းစားခဲ့
ူဖူးတယ်။နောက်ဆုံးတော့…အဲဒီစိတ်အခြေအနေကို ဟာသတစ်ခုလိုမြင်မိတာနဲ့ ကဗျာလုပ်လို့
မရတော့ဘူး ။

အတူမက်ခဲ့တဲ့ အိပ်မက်

နေ့လည်ခင်း…..။

နေရောင်ခြည်က ရိုးတံကျဲကျဲ
မိုးတိမ်တွေက အရွက်ငေါငေါ ။

ခြောက်သွေ့မှုက အဆီတ၀င်းဝင်း
အထီးကျန်မှုက သဲတရှပ်ရှပ် ။

ဖုန်မှုန့်တွေနဲ့ မှုန်မှိုင်းနေတဲ့လမ်း
ကော့ပျံနေတဲ့ ပက်ကြားအက်ရေအိုင်များ ။

ဆံပင်တွေဆီကရတဲ့ ညှော်နံ့မှာ
တိတ်ဆိတ်မှုဟာ အငွေ့ပျံနားထိုင်းလို့
ရှူခင်းအားလုံး မာခဲ လှုပ်ခါ…တံလျှပ်တွေထဲ ရွဲနစ်လို့ ။

အခု ယပ်တောင်ထဲက ထွက်လာတဲ့လေပူတွေ
ဒီလိုပဲ…ခေါ်သံထဲက ထွက်ကျလာတတ်တဲ့ ကွက်လပ်တွေ ။

အတူရှိခဲ့ဖူးတဲ့ နေရက်
အတူမက်ခဲ့တဲ့ အိပ်မက်
နွေအခါမှာ
တောမီးတွေလို လောင်ကျွမ်းနေတယ်
အဝေးရပ်ဆီက….။

မှတ်စု ။ ၃၊၄၊၂၀၀၉။၃း၁၄ညနေ၊အင်းလက်ရွာ၊ဆင်ပေါင်ဝဲမြို့တစ်ဘက်ကမ်း ။

ပုပု၀၀ဒုက္ခတရား မတ်တပ်စင်းကလေးဝတ် လမ်းလျှောက်ထွက်လာတဲ့နေ့က…

ပုပု၀၀ ဒုက္ခတရား

မတ်တပ်စင်းကလေးဝတ်

လမ်းလျှောက်ထွက်လာတဲ့ နေ့က…

သွား

သွား ရောဂါကလေး နည်းနည်းရှိလို့

သွား ဆရာဝန်ဆီ သွားလိုက်မိပါတယ်

သူကပြောတယ် ၊ အခုပဲ ကမ္ဘာကြီးပြိုကျ သွား တော့မယ့်အတိုင်း

ခင်ဗျား တစ်စက္ကန့်လောက်ထပ်နောက်ကျရင် သွား ပြီတဲ့

ကြည့်လည်းလုပ်ပါဦး ၊ သွား စိုက်ဆရာ

ကျုပ်ဘယ်မှမ သွား လို့ ဒီနေရာကို ရောက်လာတာပေါ့ဗျာ

သွား…..ဆိုတာ အစာရေစာတွေ ကိုက်ဖြတ်စားသောက်ဖို့ပဲ

သွား…..ဆိုတာ ပြုံးပြတဲ့အခါ ပိုပြီး အသက်ပါလာဖို့ပဲ

သွား…..ဆိုတာ တစ်စုံတစ်ယောက်ကိုမောင်းထုတ်နေတဲ့အသံပဲ

သွား….လို့မပြောလည်း သွား ရမှာပါပဲ ။

(မှတ်စု။ ။လွန်ခဲ့တဲ့ ခြောက်နှစ်လောက်က ကျွန်တော်တစ်နေရာရာကနေ အကြောင်းတစ်ခုခုနဲ့
မောင်းထုတ်ခံရတော့ ရေးဖြစ်ခဲ့တဲ့ကဗျာ ..။ ဒီကဗျာလေး ဘာကြောင့်ပျောက်မသွားခဲ့တာလဲ..
ကျွန်တော်စဉ်းစား လို့မရပါ ။ အခု ဒီနေရာမှာ ရေးမိတဲ့အထိပါပဲ ။)

မှတ်စု-၂

တကယ်ပြောတာ တစ်ခါတစ်လေများ သွားရင်းလာရင်း စဉ်းစားမိတယ် ။ ပြေးရင်းလွှားရင်း

စဉ်းရင်းစားရင်း သွားလာမိပြန်တယ် ။ အိမ်ကပြန်ထွက်လာတော့ သူငယ်ချင်း ကွန်ပြူတာ

ထဲကနေ ကိုယ့်အမ်ပီသရီးလေးထဲ 0110010.. တစ်ဂက်စာ သီချင်းတွေ တောင်ပုံရာပုံနဲ့

တကွ ဖိုဒါများကို မှိန်စေပျောက်စေသော ဗိုင်းရပ်စ် များပါမကျန် ကူးယူခဲ့ပေမယ့် ။ လေယာဉ်

ပေါ်လည်းကျရောကိုယ့်မှာ5.12 မီဂါဗိုက်လောက်ထဲမှာပဲ တစ်လည်လည် ။ အတက်အဆင်းမှာ

နားအူရတာနဲ့ ။ ချိုချိုခါးခါး ကော်ဖီကြမ်းကို ဝေပုံကျ မော့သောက်ရတာနဲ့။ပါးစပ်ချဉ်လာတော့

ကွမ်းယာထုတ်စားရတာနဲ့ ။စရိုက်တွေကတော့ မပြောင်းဘူး ။ ဒါဒါ ပဲ ။ သန်စွမ်းတဲ့လူဆိုတာ ခွေးဝဲစား ဖြစ်ရင်တောင် လမ်းမပေါ်တက်ပြီး မော်တော်ပီကယ်လိုလို ဘာလိုလို မထီမဲ့မြင်

်လုပ်နေဦးမှာပဲ ။ ကြည့်ရတာ လေယာဉ်က ငယ်ငယ်တုန်းကလောက် ပြေးလမ်းပေါ် သွေးရူး သွေးတမ်း မနိုင်တော့သလိုပဲ ။ တော်ရုံတန်ရုံလောက် အရှိန်ရတာနဲ့ လေကိုသူကုတ်တွယ်ထား

နိုင်ပြီ ။ တစ်ပေမှတစ်ပေ ။ ပြီးတော့ တစ်မိုင်မှတစ်မိုင် ။ မိုင်တစ်ရာမှမိုင်တစ်ရာ ဘာမှမရှိတာနဲ့

မမြင်ရတာနဲ့ လေယာဉ်က ကုတ်တွယ်ထားနိုင်သားပဲ ။ ခါးပတ်များ သေချာစွာတပ်ဆင်ထားပါ ။

ထိုင်ခုံအောက်တွင် အသက်ကယ်အင်္ကျီရှိ (နိုင်)ပါသည် ။ ထိုင်ခုံဟာ ရေပေါ်တွင် ပေါ်နိုင်အောင်

အထူးစီမံထားပါသဖြင့် ။ ရယ်စရာကောင်းတာ စဉ်းစားမိတယ် ။ ကလေးဘ၀တုန်းက ဒီလိုခရီး

သွားရင် တောင်တွေနဲ့ လေယာဉ် ၀င်ပြေးတိုက်မှာ ကြောက်လန့်တယ် ။ တိမ်တွေ နဲ့ တောင်က

ရောထွေးချင်ရောထွေးနေမှာ ။ ကွမ်းသီး ၊ ကွမ်းရွက် ၊ ထုံး နဲ့ ဆေး တို့ ရောထွေးနေသလို ။

ရောရုံနဲ့တော့ ထွေးလို့မရသေးဘူးနော် ။ အဲဒီမှာ အကြောင်းတရား ဆိုတာ ရှိသေးတယ် ။

စိတ်ကူးနဲ့ဆိုရင် ပေ ၂၀၀၀၀ လောက်မြင့်တဲ့ တောင်ချွန်ချွန်တွေကြားထဲ လေယာဉ်ကကွေ့ပတ်

နေသလိုလို ။ အရေးပေါ်သုံး မီးပွင့်ကလေးများလည်း ပါရှိပါတယ် ။ လေယာဉ်အမူထမ်းများက

လိုအပ်သည်များကို ကူညီပေးပါမယ် ။ ကျေးဇူးတင်ပါတယ် ။ အမှောင်ကျနေတဲ့ မှန်ဝါးဝါးကနေ

ကိုယ့်မြို့လေးကိုယ် တွန်းထိုးကြည့်တယ် ။ ပြီးတော့ ပြားကပ်နေတဲ့ အိမ်ကလေးတွေကို အပေါ်

စီး ဇောက်ထိုးကြည့်တယ် ။ ပြောပြီးသားပဲ …အမြဲတမ်း ဒါဒါ ပါပဲလို့ဆို ။ ဘာကိုလွမ်းတာပါ

လိမ့် ။ ရင်ထဲမှာ လှိုက်ခနဲ ဟာခနဲ ။ ဟင်ခနဲ ဟိုခနဲ ။ မနက်စောစောစီးစီး ငါးနာရီခွဲလောက်

အိပ်ရေးအပျက်ခံပြီး လိုက်ပါပို့ဆောင်နုတ်ဆက်ပြီး လစ်တော့…လစ်တော့ ဆိုပြီး အိုကေ…..

အိုကေ ဆိုပြီး အခုတော့ ကိုယ့်အိမ်ကိုယ်ပြန်ရောက်ပြီး တစ်ရေးတစ်မောလောက် ပြန်ဆွဲဖို့

ခေါင်းချပြီး …. ဒီလိုဆိုတော့လည်း လေယာဉ်က အချိန်မှန်သားပဲ ။ သယ်ယူသွားတတ်သားပဲ။

မနက် ၆ နာရီ ကျတော့ ပေးထားတဲ့ alarm က စာသားနဲ့တကွ ပေါ်လာတယ် ။ the last

day in myeik ။ တဆင့်ပြီးတဆင့် စီကာရီကာပဲ ။ ညကလည်းတော်တော်နဲ့အိပ်မပျော်နိုင် ။

အိပ်ရာထဲ ၊ အမှောင်ထဲ တောင်စမ်းမြောက်စမ်း ဖုန်းဖွင့်ပြီး မြွေဂိမ်းကစားနေလိုက်တယ် ။

အမြဲတမ်း ဆာလောင် ၊ အမြဲတမ်းကွေ့ပတ်နေတဲ့ မြွေ ။ လူ့ဘ၀လိုပဲ ။ ရှေ့တိုးရမယ် ။ ပြုန်းတီး

ရမယ်။ ထိန်းမနိုင်သိမ်းမရ ကိုယ့်အမြီးကိုယ် အစာလိုသဘောထားလာတဲ့ new game အထိ။

တစ်အိမ်လုံး ငြိမ်သက်နေပြီ ။ နံဘေးဘက်မှာ အစ်ကိုလတ် လင်မယားအခန်း ။ တစ်ခန်းတည်း

အခြား ကုတင်တစ်လုံးပေါ်မှာ အစ်ကိုလူပျိုကြီး ။ ဆန့်ကျင်ဘက် အပြိုင်အခန်းမှာ အဖေ၊အမေ

နဲ့အစ်မ ။ တစ်အိမ်သားလုံးအိပ်မောကျနေပြီ ။ အိပ်မောကျခြင်းမှာ လူ့ဘ၀ကို စုပ်ယူဆွဲယမ်းပစ်

နေပြီ ။ မနက်လင်းတော့ အားလုံးကို ဖျတ်ခနဲပဲ တွေ့လိုက်တယ် ။ အမေ့ကို သမံတလင်းပေါ်

ဦးချ ကန်တော့လိုက်တယ် ။ ရက်သတ္တနှစ်ပတ်လုံးလုံး စိတ်အမှိုက်တွေ ။ သေရင်ယူသွားလို့

မရတဲ့ ခြေရာလက်ရာတွေ ..။

မွေးရာပါ အဓိပ္ပါယ် သေရာလည်းပါ

အဓိပ္ပါယ်များ လျှံကျ (သို့) ကျွံကျ နေပါသည်

အဓိပ္ပါယ်များ ပွေ့ယူ၍မရပါ

အဓိပ္ပါယ်များ ဟိုဘက်သည်ဘက်မှ အတင်းတိုးဝင်နေပါသည်

နေသာသလိုနေပါ မတွေ့ကြုံခဲ့ဖူးသလိုနေပါ

အပျင်းကြောဆန့်ပါ အချိန်တွေကုန်အောင်ကဗျာတွေရေးပါ

ဒါ အဓိပ္ပါယ် ပါ

ဒါကတော့ ရေပိုက်ခေါင်းပါ ဒါကတော့ လက်နှစ်ဖက်ပါ

ဒါကတော့ လေတိုက်ပြီး လှန်သွားပြီး ရောက်သွားတဲ့ စာမျက်နှာပါ

ဆက်ဖတ်ရန်လိုနေပါသေးသည်

ပြီးခဲ့သောနေရာ မေ့သွားပါပြီ

လိုအပ်၍ အဓိပ္ပါယ် ကိုပြန်ဆက်ရပါမည်

ချိတ်ဖြင့်လှမ်းချိတ်၍ ရသောသစ်သီးဟုတ်မဟုတ် မသိပါ

(ကိစ္စပြီးပါက အဓိပ္ပါယ် ကိုစနစ်တကျပြန်ချွတ်၍ တစ်ရှူးဖြင့်ထုတ်ပြီး

အမှိုက်ပုံးထဲသို့စွန့်ပစ်ရန်ဖြစ်ပါသည် )

မြင်အောင်ကြည့်ရုံကြည့်ပါသည် မျက်လုံးများဖွင့်လို့ကြည့်ပါသည်

မျက်လုံးများဖွင့်ကြည့်လိုက်ပါသည်

အဓိပ္ပါယ်တစ်ကောင် နွားတစ်ထောင်ဟု အဓိပ္ပါယ်ရပါသည်

နွားတစ်ထောင်ကွဲလျှင် အဓိပ္ပါယ်ကျားဝင်ဆွဲပါမည်

မြန်မာစကားပုံတွင်ရှိပြီးသားဖြစ်ပါသည်

ဘယ်သူပြောမှန်းမသိပါ မြုံလိုတော့အလွန်ကောင်းပါသည်

အရသာများရင် အဓိပ္ပါယ်နည်းပါသည်

အဓိပ္ပါယ် ၀င်၍မရပါ

သတင်းပို့ပါသည် ကျွန်တော်ထပ်ပြောခဲ့ပါမည်

မျိုးဆက်သစ်ကလေး အလွန်စားကောင်းပါသည်

သေချာအောင် ကျွန်တော်ထပ်ပြောခဲ့ပါမည်

ဖုန်းဆက်၍မရလျှင် အဓိပ္ပါယ်များ အဓိပ္ပါယ်ဧရိယာပြင်ပသို့ ရောက်ရှိနေပါသည်

မေးလ်ဖြင့်ဆက်သွယ်စေလိုပါသည်

မေးမဟုတ်ပါ လသတ်ကိုသတိပြုစေလိုပါသည်

ပြီးနောက် ပြန်ချက်ရန်လိုပါသည်

ချက်ပြုတ်ခြင်းမဟုတ်ပါ ပြန်စစ်ခြင်းကိုဆိုလိုပါသည်

အဓိပ္ပါယ်များကို မလွတ်ချစေလိုပါ

အကယ်၍ လွတ်ချရန်လိုအပ်ပါက ” လွတ် ” အစား ” Lock ”ကိုအသုံးပြုစေလိုပါသည်

အဓိပ္ပါယ်များ များပြားလွန်၍ အနက်မဖော်နိုင်ဘူးဆိုလျှင်

သမ္မတကြီးအလုပ်မအား၍ ဖြစ်ပါလိမ့်မည်

ကျေးဇူးပြု၍ခေတ္တစောင့်ဆိုင်းပါ

ကျေးဇူးတင်ကြောင်းပြောပြီးမှ ပြန်ပါ ။

မှတ်စု-၁

အဲဒီတုန်းကနေ့ရက်များကို မှုန်ဝါးဝါးထင်ကျန်နေဆဲ ဖြစ်သလို ။ လက်ကျန်အရက်ခွက်ထဲက နောက်ဆုံးမျှော်လင့်ချက် အဆတိုးမေ့ပျောက်ခြင်းကို သတိရသလို ။ ၂၂၊၁၁၊၂၀၀၆ ။
ဘ၀ခရီးတစ်ခု အစပြုတဲ့နေ့ ။ နေ့စွဲသက်သက်နေ့စွဲထဲမှာ စိတ်အာရုံကို ဖဲချပ်လို အရသာခံပွတ်ဆွဲမိပါတယ် ။ မနက်အစောကြီးပဲ ။ ထုံးစံအတိုင်း ဤခရီးနီးသလားဆိုသလို အေး
စက်စက်ကြီး ။ အရှိန်ဖြင့်မျောပါသွားခြင်း ။ မေ့ဆေးပေးလိုက်၍ တရွေ့ရွေ့မေ့သွားခြင်း ၊ မေ့သွားရင်း မမေ့ပဲသိနေခြင်း ။ အဝေးပြေးကားကြီးရဲ့အောက်သိုးသိုးအနံ့ ။ မျက်ရည်နဲ့
မရေရာခြင်း ။ သတ္တိကြောင်၍စိန်ခေါ်ရခြင်းများရှိလာတဲ့အခါ လူတွေထံမှထွက်လေ့ရှိသောအနံ့ ။ အိတ်တွေကို ထိုင်ခုံနဲ့တည့်တည့် အမိုးပေါ်က စင်ပေါ် ဖိတင်ခဲ့သေးလား ။ အိတ်တွေ
ဘယ်လောက်များသလဲ ။ ဈေးပေါပြီးများများဆန့်တဲ့အိတ်တွေ ။ ဘယ်နှအိတ်မှန်းမရေတွက်နိုင်တော့ ။ ထိုင်ခုံနေရာ မှန်နံဘေးကို တိုးကပ်လာတဲ့ အစ်ကို့ ဆိုင်ကယ်မီးရောင်ကို ပြန်
မြင်နေတယ် ။ ပီကေရယ် ၊ ပူရှိန်းရယ် ..ပြီးတော့ ဘာပါသေးလဲ ။ ဟိုးခပ်လှမ်းလှမ်း ကွမ်းယာဆိုင်ကလေးကနေ ၀ယ်လာတာ ။ ဒီလိုအချိန်မှာ ဘယ်အရာမဆို ဂန္တ၀င်မြောက်နေမှာ ၊
လှပနေမှာ ၊ မှတ်ဥာဏ်ထဲမှတ်ဥာဏ်မကတဲ့ ဆီလျော်ခြင်းတွေနဲ့ အလွတ်ပွင့်နေမယ့်ခလုတ်တွေ ။ တစ်ဝက်တစ်ပျက်ညရောင်အောက်မှာ ။အမှောင်ထဲ ရိုးတံကျဲကျဲ ဖြူလျော်
ခြောက်ကပ်နေမယ့် လမ်းမီးတိုင်အောက် ထွက် ခွာ ခြင်း တွေ နဲ့ .. ။ အခုသွားနေတာ ဘ၀လား ။ ဘ၀သို့လား ။ ဘ၀မြို့လား ။
ဒါဖြင့် အရင်ကရော ဘ၀ မဟုတ်လို့လား ။ ။

ယနေ့ညအတွက်ပျော်စရာ

ရေဒီယိုကလာတဲ့ ဟာသအစီအစဉ်ကိုပဲ လိုက်ဖမ်းနေရတယ်

အပြောင်အပြက်တီးလုံးသံနဲ့ စ

အပြောင်အပြက်တီးလုံးသံနဲ့ ဆုံး

မဆီမဆိုင် ခလုတ်နိုပ်လိုက်တာနဲ့ ရင်ထုမနာ တစ်အုံးအုံးပွဲကျ

အင်း …အခုမှ ဘ၀နဲ့ခပ်ဆင်ဆင်ပဲ

ရယ်မောဖို့အတွက် ပါးစပ်တွေဟောင်းလောင်း

တဟားဟား … အသံထွက်ဖို့အတွက် အချိန်ကိုက်စောင့်ဆိုင်း

အသက်ရှင်သခိုက်မှာ အသက်ပါအောင် ဟာသတွေနဲ့နေထိုင်

ထိုအခါတွင် ဦးလှ ပြန်ပြောလိုက်သည်မှာကား-

တစ်ရွာလုံး အူတက်မတတ် ရယ်မောကြလေ၏-

ပျော်စရာလေးတစ်ခုရဖို့အတွက်

မပျော်တဲ့မြစ်ရိုးတစ်လျှောက် ကျီးလန့်စာစာ အုံ့ဆိုင်းခြောက်သွေ့ခဲ့ရတာ

တကယ်တော့ ပျော်စရာဆိုတာ…

ပြန်လည်ဖြည့်စွက် ရန်မလွယ်ကူသော သယံဇာတ

ပျော်ချင်လို့ ဟာသကို နားထောင်သူ

အဲဒီအခါ…ဟာသပြောသူပါ တစ်ပြိုင်နက်တည်း ဒရွတ်တိုက်ဆန်လာ

အချိန်စေ့သွားရင် ပြီးရော

ကော်ဖီပူနေတုန်း ဗိုက်ထဲရောက်သွားရင် ပြီးရော

နာကျင်မှုနဲ့ ထွေးအုပ်ထားတဲ့ ဘ၀ရဲ့ပျော်စရာချိုချဉ်

ဒါပြီးရင် ဘာဖြစ်မယ် ကြိုသိနေသည့်တိုင် အသိမဲ့ ပျော်စရာ နာကျင်

ကျောရရုံကြံသည့်ဖြစ်စေ

ချော်လဲရာရောထိုင်ခဲ့သည်ဖြစ်စေ

ဒီညထဲ ငါ့အနား ရေဒီယို တစ်လုံးမှ လွဲ၍ သဘောထားကွဲလွဲရန် ဘာမှမရှိ  ။

ခုနှစ်ရက်အလို…

လာမယ့် ခုနှစ်ရက်မှာ
နောက် ဘ၀တစ်ခုရှိတယ်
ကလေးဘ၀တုန်းက စာမေးပွဲခန်းထဲဝင်ရသလို
မေးခွန်းတွေအောက်လည်စင်းခံ ထိုးကျွေးမိသလို
ဒီဘ၀တော့ ဒီဘ၀ပဲ
နောက်ဘ၀ ရှိတယ်ဆိုတာလည်း တကယ်…

ခုနှစ်ရက်ကို တစ်ရက်ချင်းခြွေကြည့်တယ်
ဟာ….တစ်ခုခုနဲ့ အရှိန်ပြင်းပြင်းဝင်ဆောင့်လိုက်သလို အရသာ
တစ်ခုခုနဲ့ လွတ်သွားသလို ဆွဲငင်အား မဲ့
မျောပါ လေထဲ ၀ဲ

ကျန်သေးတဲ့ ခုနှစ်ရက်လုံးလုံး
မျက်စိစုံမှိတ်ပြီး မိုးရေထဲ လျှောက်ပြေးနေချင်တယ်
ကြေကွဲမှုအတွက်…
အသက် ၀၀ရှုပြီး အခုဘ၀ကို မျဉ်းသားပိတ်ပစ်လိုက်ချင်တယ်
ပျော်ရွင်မှုအတွက်…..
ှ