…………………………….. … .. … ..
ခရီးယာယီများသူ တစ်ဦးအနေနဲ့ အမြဲတမ်းကြုံတွေ့နေရတာက
ခရီးကနေ အိမ်ပြန်ရောက်လာတဲ့အချိန်တွေပေါ့ ။ ဇနီးနဲ့သမီးကလည်း နယ်ပြန်
သွားနေကြတဲ့အခါ ကိုယ့်အခန်းကိုယ်ပြန်ရောက်လာတယ်ဆိုပေမယ့်လည်း
တစ်ယောက်တည်းပဲ ။ တစ်လ ၊ နှစ်လ လောက် လူမနေတဲ့ အခန်းဟာ
ကြမ်းပြင်ပေါ် ဖုန်မှုန့်တွေဖြန့်ခင်းလို့ ကြိုဆိုနေလေ့ရှိ ။ ထွက်ခွာသွားတဲ့
အချိန်နဲ့ ပြန်ရောက်လာတဲ့အချိန် တွေ ( ကြားကာလမှာ) အခန်းဟာ အလုံပိတ်ထား
ပေမယ့် အပြောင်းအလဲတစ်ချို့ဟာ အခန်းထဲဖြစ်ပျက်ထားတယ် ။ ခြေရာလက်ရာ
ဖြစ်/ပျက်ထားတယ် ။ ကိုယ်နေထိုင်တဲ့အချိန် လိုပဲ ကိုယ်မရှိတဲ့အချိန်မှာလည်း
အပြောင်းအလဲဟာ မရပ်မနား အစီအစဉ်ကျကျ ဆက်သွားနေတယ် ။
ကိုယ်ရှိခြင်း မရှိခြင်းရဲ့ အရေးပါမှုဟာ အခန်းထဲ အငွေ့လို လွင့်ပျံနေ ။
ကမ္ဘာထဲ ကိုယ်ရှိနေခြင်း မရှိနေခြင်းကရော ဘယ်လိုလဲ …. ။
………………………………. ……. ………… …………. …… …. ….. ….
အခန်း
ငါမရှိလည်း
မှန်ပြတင်းကတဆင့်
အလင်းရောင်ဟာ အခန်းထဲ ၀င်မြဲထွက်မြဲ
တံခါးတွေ အလုံပိတ်ထားပေမယ့်
ဖုန်မှုန့်တွေဟာ ကြမ်းပြင်ပေါ်မှာ ညီညီညာညာ ဖြန့်ကျဲနေ
ဘုရားပန်းအိုးဟာ သူ့ဘာသာသူလဲကျနေတယ်
(သူ့ဘာသာသူတော့ ဘယ်ဟုတ်မလဲ လေတိုက်လို့ဖြစ်မယ်
ဒါနဲ့ … လေဘယ်က၀င်မလဲ)
မီးဖိုချောင်ထဲမှာ ကြွက်ချီးတွေ
ရေခဲသေတ္တာထဲမှာ အမည်းရောင်မှိုပွင့်သေးသေးလေးတွေ
ရက်တွေအများကြီးလွန်သွားပြီး ၊ ဖတ်လက်စ (ဖြစ်ပုံရတဲ့)
သတင်းစာဟာ အိမ်ရာနံဘေးမှာ
(တစ်ချို့သတင်းတွေဟာ မဖတ်ရသေးပဲ ဟောင်းသွား)
…..
ငါမရှိလည်း ငါ့အခန်းဟာ ပြောင်းလဲနေတယ်
ငါမရှိလည်း ” ငါမရှိခြင်း ” က အခန်းထဲ မွှေနှောက်ထားတယ် ။
နေ၀ိုင်ဝိုင် 